Имавме задоволство да разговараме со Portret Digital за темата која нè движи секој ден — чистата убавина како нова култура во Македонија.

Во интервјуто, кое го споделуваме заедно со Чарна Невзати, отворивме неколку прашања кои сметаме дека се важни за секоја жена која се грижи за своето здравје и за тоа што го нанесува на својата кожа.

Зошто транспарентноста е повеќе од маркетинг?

Денес, зборовите „природно" и „чисто" се насекаде. Зелени пакувања, фини ветувања, убави натписи — но колку пати навистина го свртивме шишенцето за да прочитаме што содржи?

Токму затоа кај NOMI & YOU инвестиравме во алатки кои ја ставаат моќта на изборот во рацете на нашите клиентки: библиотека на состојки каде секоја жена може да види што точно нанесува на кожата, NOMI Magazine со статии за рутини и состави, и прашалник за кожа кој помага да се најде вистинскиот производ за секоја проблематика.

Нашата цел е јасна: жена која знае да чита INCI листа прави информиран избор — и тоа е најголемата вредност што можеме да ја дадеме.

Од лична потреба до бренд со мисија

NOMI не настана од бизнис-план. Настана од лично искуство — чувствителна кожа, бременост кога секој состав добива ново значење, и разочарување од производи кои ветуваа многу, а испорачуваа малку.

Тоа искуство е и денес основата на секоја одлука: секој производ на nomiandyou.com мора да биде нешто што би го ставила на мојата кожа и би го препорачала на мојата другарка. Ако одговорот не е „да" — тоа не е за NOMI.

Предизвиците на локалниот пазар

Да донесеш сертифицирани производи од Австралија до Македонија не е едноставно — логистика, администрација, и изградба на доверба кај публика навикната на друг тип козметика. Но најголемиот предизвик е промената на навиките: да објасниш зошто еден производ чини повеќе кога зад таа цена стојат квалитетни состојки, отсуство на силикони и формули кои ја негуваат кожата.

Секоја клиентка која еднаш проба и почувствува разлика — останува. И споделува.

NOMI заедницата

Нашите клиентки не се само потрошувачи — тие се заедница. Тоа го формализиравме преку NOMI Club, лојалност програмата каде се собираат поени за купување, рецензии, препораки и активност на социјалните мрежи. Имаме и афилијација програма каде жените можат да заработуваат препорачувајќи производи во кои навистина веруваат.

Чарна Невзати — повеќе од лице на брендот

Чарна е првото официјално лице на NOMI — девојка чиј однос кон убавината, автентичен и без компромиси, природно се вклопи во нашите вредности. Во интервјуто, Чарна зборува за тоа како искуството на Miss World го продлабочило нејзиното разбирање за убавина, зошто по долги денови со шминка и фотосесии избира сертифицирана органска козметика, и каква порака им носи на младите девојки: да не се споредуваат со идеализирани стандарди, туку да бидат свои.

📖 Прочитајте го целото интервју на Portret Digital: Ирена Гогова и Чарна Невзати: Естетска револуција базирана на знаење и искреност